多謝Nicole幫我化Pre wedding同埋Big Day嘅妝！我平日好少化妝，唔係好知道咩妝先適合自己，Nicole好有耐性，試妝時同我解釋點樣最適合我，化得好自然，我諗呢樣嘢係每個新娘子最想做到嘅。而喺pw同big day之前，Nicole又會因應返我嘅皮膚狀況，教我護膚，底層做好咗，妝先會更貼面更靚。髮型方面，佢會幫我襯返啲裙，建議唔同嘅髮型俾我，而同時又會了解我想要點整，再幫我諗點樣可以再靚啲，唔會淨係做自己想做的，令我覺得好舒服，好放心交個樣俾佢。因為試妝、pw/big day前體驗好好，Pw/big day當日其實好放心，佢全程跟實，補妝、換妝、換頭都好快手，令過程好順暢，除咗妝同埋髮型，仲幫我睇埋其他細節位：幫我整理花球形狀、婚紗等等。其實婚禮當日真係好忙，化妝師除咗要化得好、整髮型靚之外，細心有耐性，會令新娘子安心好多！Thanks Nicole 

Hong Kong Banquet | 03 Feb 2018
Hong Kong Prewedding | Nov 2017