好開心好開心！上星期Clinique請左韓星御用彩妝大師Jung Saem Mool 鄭瑄茉來香港，示範拿手透明底妝同薰衣草亮妝！今次將老師既化妝重點記低同大家分享，鍾意韓式妝容既唔好錯過，因為佢既手法同平時既好唔同 😍

其實平時發佈會都會請好多國際大師來示範，不過今次特別興奮，因為之前已經覺得鄭瑄茉既底妝好靚，好想飛去韓國跟佢進修，但email左幾次，回覆都係暫時未有非韓文班 :( 上年Clinique都請過佢黎，不過當時有野做miss左，所以今次一做完野即刻衝去發佈會，睇完示範果然無失望！

老師既透明底妝有兩個重點，就係less is more同近乎拍打既點印手法！

• 打底﹕有別平時將護膚品以打圈按摩上面，老師會將慣用份量分3份，逐少以拍打既手法印上面，等皮膚完全吸收就再拍第二層，最後拍上第三層，咁樣可以令護膚品充份吸收
• 粉底﹕同上護膚品的手法一樣，老師將粉底印開再以拍打手法上面，手的溫度可以令粉底同皮膚完美融合，但上粉只需集中於眉尾與唇連成既倒三角位置，老師稱之為V Zone；至於需遮瑕位置，亦用點印的手法，要效果更自然，可在遮瑕位置向外印鬆約0.5cm

  

• 胭脂﹕胭脂是薰衣草亮妝的重點，黃皮膚要看起來更精神有光澤，可用黃色的對比色彩—紫色的胭脂，用掃以點印方式輕輕把胭脂印上蘋果肌，不易弄花底妝之餘，亦可做出漸層透亮的效果，印完個掃淨返小小胭脂仲可以掃係額頭、鼻尖、下巴的位置，令輪廓更加突出
  

  老師認為妝容配色最緊要搵岩自己的對比色

• 唇妝﹕老師指今年秋冬會流行較豐滿的唇妝，但不是以死實線條去描繪唇形，她會先把唇膏印在唇的中央位置，然後向外掃開，範圍甚至可比我們本身的唇形大一點點

老師化既底妝非常透亮，因為無上碎粉定妝，所以可以keep住光澤感，但香港天氣又濕又熱，唔定妝真係未返到公司就溶哂！所以老師都建議可以局部係易出油的位置掃層薄薄的碎粉，咁個妝就可以keep耐d！加上今次Clinique出既even better foundation好薄好貼，就算上埋碎粉都唔會有好厚妝既感覺，而紫色花花胭脂效果都好透薄，功用以調色提亮為主，唔駛怕會有層紫色係面上怪怪咁。